窄啲喎……

窄啲喎……
06.05.2009

第135屆美國肯德基打比大賽剛剛完成無耐，勝出嘅係一匹1賠50嘅冷馬叫「MINE THAT BIRD」，係冷到連譯名都無……講開又講，肯德基打比大賽點解會咁受北美賽馬人士關注？係因為佢係美國三冠馬王錦標嘅頭關。要過三關嘅美國三冠馬王錦標，每年都會喺5月頭至6月中舉行，因為每次賽事中間太緊迫，所以有紀錄以嚟都只係得11隻馬可以成為三冠馬王，而自1978年，就未試過再有新馬王誕生；難怪馬迷同傳媒對呢匹「MINE THAT BIRD」都抱有一個「黑馬皇者」期望。

「MINE THAT BIRD」呢匹馬賽前嘅勝算被形容為「LONGSHOT」，咩叫LONGSHOT？LONGSHOT，L-O-N-G-S-H-O-T，LONGSHOT，係用嚟形容一件事嘅成功率好低，即係廣東俗語嘅“ ‘問問’地”或者「窄啲喎」嘅意思。容許我再舉一啲LONGSHOT踲例子:DoDo姐個樣變老，呂方再高啲，食神韜韜瘦返啲，同埋楊震耀再長頭髮。